شعر انا بنت النيل
انا بنت النيل
بنت العز والكرم بنت البلد الجميل
بنت العزة والكبرياء بنت الفلاح الاصيل
بنت الكرامة والاصول اللى ابويا راجل نبيل
انا بنت مصر ... اللى نيلها ع الارض سلسبيل
انا بنت الجدعنة ... اللى فى وقت الشدة
انا بمية راجل ... لا اعرف هزيمة ولا عويل
انا بنت النيل ...
انا بنت البلد اللى ياما طلعت اجيال
البلد اللى معرفت يعنى ايه استسلام
بنت حنا وبنت احمد بنت الرجال والابطال
انا هى بنت النيل الاصيل...
انا هى اخت الشهيد .. واللى حبيبى كمان شهيد
واللى جدى كان شهيد وابويا هو ابو الشهيد
انا بنت الاسود الشجعان اللى معاهم كل يوم عيد
انا اللى دمى مصرى وقلبى مصرى ولهجتى من بورسعيد
انا الاصيلة بنت الاصيل واللى عرقى من الصعيد
انا هى بنت النيل السلسبيل ..
شعرى طويل وقلبى ابيض وياه على حمار الخدود
بس وقت انه العدو يفكر لبلادى لحظة يعود
مش هشوف قدامى الا حاجة واحدة هى البارود
لا يهمنى وقتها مسلم او مسيحى او يهود
مصر فى قلبى كل حاجة ملهاش تانى او بديل
مصر هى كل حاجة وهى دى الهدف المقصود
ولو فكر فى يوم عدو انه يمس طرف م الحدود
مش هيلاقى يومها بشر .. مش هيلاقى غير اسود
عشانك يا مصر نعمل اى حاجة ودى منى وعود
اتمنى ان تنال اعجابكم
